GoHost.mk

Проверете дали доменот кој сакате да го регистрирате е слободен. Доколку доменот е слободен за регистрација можете да ја продолжите процедурата на истата страна и да го нарачате. На емаил адресата која ќе ја внесете при нарачката ќе добиете про-фактура која треба да ја платите (онлајн со платежна картичка или преку уплатница во банка). Кратко по уплатата, доменот ќе Ви биде регистриран. Внимавајте податоците да се точни и вистинити бидејќи во спротивно, во согласност со правилникот (Член 31), доменот може да Ви биде избришан од регистрарот и уплатените средства нема да Ви бидат вратени.

Регистрацијата на горенаведените домени исто така може да се изврши онлајн, со тоа што освен стандардните информации, потребно е да се наведат: “Целосен назив на правното лице” и “ЕДБ” (Единствениот Даночен Број).

Право да регистрираат терцијарен домен во секундарниот домен: com.mk, net.mk и inf.mk - имаат: трговски друштва, физички лица регистрирани за самостојно вршење дејност, лица со јавни овластувања, комори, задруги, финансиски организации, правни лица и физички лица регистрирани за вршење на стопанска дејност.

Право да регистрираат терцијарен домен во секундарниот домен: org.mk - имаат: непрофитни организации, здруженија на граѓани и фондации, политички партии, синдикати, јавни здравствени установи, фондови и друго, странски амбасади, непрофитни странски организаци на кои со меѓународен договор или согласно со закон им е допуштено да вршат непрофитна дејност.

Право да регистрираат терцијарен домен во секундарниот домен: edu.mk - имаат: образовни и научноистражувачки установи, странски образовни организаци кои имаат дозвола за вршење образовна и научноистражувачка дејност и сл.

Доколку плаќањето за регистрација се изврши онлајн, со платежна картичка, истата се извршува за неколку минути (по проверка на внесените податоци за доменот) и потоа вашиот домен веднаш е достапен за користење. Доколку се плати на про-фактура преку уплатница во банка, регистрацијата ќе се изврши веднаш по евидентирање на уплатата или за најмногу 24 часа од уплатата.

Наплатата може да се изврши на два начина и тоа: онлајн со платежна картичка или наплата по про-фактура преку уплатница во банка. Изборот за начин на плаќање се одбира при нарачка на доменот.

Да. Доколку инсистирате на регистрација со писмено барање за регистрација на домен, истото треба да го пополните и да ни го доставите преку пошта на адреса: Христо Смирненски 54/1-11, 1000, Скопје или скенирано на мејл contact@gohost.mk со што ќе ви биде генерирана про-фактура. Доколку регистрантот е правно лице потребно е барањето да биде заверено со потпис и печат од одговорно лице. Доменот за кој се однесува барањето ќе биде регистриран во .mk зоната откако ќе биде евидентирана уплатата за истиот. Барање за регистрација можете да превземете на следниот линк: https://www.gohost.mk/marnet.pdf

Не. Плаќањето на про-фактура не е условено со писмено пополнување на барање за регистрација на домен. За плаќање на про-фактура потребно е при нарачка на доменот да изберете метод за наплата „Банка“ со што ќе ви доставиме про-фактура на вашата емаил адреса.

Промена на именските опслужувачи се врши едноставно и брзо преку клиентскиот контролен панел на GoHost.mk - во делот “Домени” > “Закупени домени”. Откако ќе се направат промените, за истите да бидат активни, потребно е макс. 24 часа.

Трансфер на .mk, .com.mk, .org.mk, .edu.mk или .inf.mk домени во GoHost.mk се врши бесплатно, со само еден клик. Пред да преминете кон трансфер потребно е да побарате ЕПП (Авторизациски код) од досегашниот домен регистрар. За останатите домен-екстензии .com, .org и сите други интернационални, се наплаќа според нашиот важечки ценовник за домени, со тоа што овие домени при трансфер се обновуваат за +1 година. За овие домен-екстензии потребно е да имате “Auth Code”-код за трансфер и доменот да биде “Unlocked”-отклучен за трансфер.

ЕПП или авторизациски код е лозинка која ја генерира регистрарот при регистрација. Доколку сакате да преминете кон GoHost.mk потребно е да го побарате “ЕПП кодот” или “Auth code” од вашиот досегашен регистрар.

Не. За домените .mk, .com.mk, .org.mk, .edu.mk или .inf.mk датата на валидност на доменот останува непроменета исто како и сите останати информации од претходно. За останатите домени .com, .org и сите други интернационални, датата се продолжува за +1 година а останатите информации остануваат непроменети.